Россияда микромолия ташкилотларидан қарз олган фуқаролар сони 10 млнга етди

Россия банки маълумотларига кўра, 2025 йил 1 январь ҳолатига Россия Федерациясида банклар ва микромолия ташкилотларида қарз олувчиларнинг умумий сони 50,1 миллион кишини ташкил этди.

Фото: Алексей Белкин / news.ru / Global Look Press

Микромолия ташкилотларидан кредит олган Россия фуқаролари сони 2024 йил охирига келиб 10 миллион кишига ошди, 2024 йил 1 июлдан 2025 йил 1 январгача олти ой давомида 0,5 миллион кишига кўпайди. Россия банки бу маълумотларни 29 апрель, сешанба куни эълон қилди.

Таҳлилий материалдан маълум бўлишича, 2025 йил 1 январь ҳолатига банклар ва микромолия ташкилотларидаги қарз олувчиларнинг умумий сони 50,1 миллион кишини ташкил этди. Россия банкининг аниқлик киритишича, бу кўрсаткичга фақат банк кредитига эга бўлган қарз олувчилар сони олти ой ичида бир миллион кишига камайгани туфайли эришилган. Ўз навбатида, The Moscow Times интернет-нашрининг таъкидлашича, ушбу маълумотларга кўра, Россиянинг меҳнатга лаёқатли аҳолисининг учдан икки қисми банклар ва микромолия ташкилотлари олдида қарзга эга.

Шу билан бирга, 2024 йилнинг сўнгги чорагида энг кўп қарзга эга камида учта кредитга эга бўлган қарз олувчилар сони 0,5 миллион кишига камайди. «Бироқ, улар ҳали ҳам чакана кредит қарзининг ярмига тўғри келади», деб давом этилган ҳисоботда.

Ҳужжатга кўра, 2025 йил 1 январь ҳолатига 21,5 миллион россиялик нақд кредит, 28,4 миллион киши кредит картаси бўйича қарзга эга, 10,2 миллион киши ипотека тўлаган, 2,7 миллион нафари автокредит олган.

#қарз #микромолия