Бухорода хусусий клиникада 11 ёшли бола вафот этгани ҳолати юзасидан жиноят иши қўзғатилди

Жиноят иши касб юзасидан ўз вазифаларини лозим даражада бажармаслик бўйича қўзғатилган. Бош прокуратура барча зарур тергов ҳаракатлари ўтказилганидан сўнг иш бўйича қонуний тўхтамга келинишини билдирди.

Фото: Видеодан кадр

Бухоро шаҳридаги хусусий клиникада тиббий муолажа олган 11 ёшли бола вафот этганлиги ҳолати юзасидан текшириш ўтказилди. Бу ҳақда Бош прокурор матбуот котиби Ҳаёт Шамсутдинов хабар берди.

Маълум қилинишича, иш бўйича исботланиши лозим бўлган барча ҳолатларни текшириш ҳамда бир қатор тергов ҳаракатлари ўтказиш лозимлиги инобатга олиниб, Жиноят кодексининг 116-моддаси (Касб юзасидан ўз вазифаларини лозим даражада бажармаслик) билан жиноят иши қўзғатилган.

Шунингдек, барча зарур тергов ҳаракатлари ўтказилганидан сўнг иш бўйича қонуний тўхтамга келиниши билдирилган.

Бола хусусий клиникага шамоллагани учун олиб борилган. Аммо тиббий муолажадан сўнг у вафот этган. Марҳумнинг яқинлари унинг ўлимида клиника шифокорларини айблаган.

#Бухоро #хусусий клиника