Xiaomi Redmi A5’ни тақдим этди: кучли камералар ва юқори самарадорлик янги дизайнда

Redmi A5 ўзининг янги замонавий дизайни билан диққатни тортади. У мукаммал текис рамка ва камера учун янгиланган металл безакка эга. Смартфон бир неча нафис ранг вариантларида тақдим этилади, ҳар бири ўзгача услубни намоён этади: Тун ёғдуси¹ (Midnight Black) ва Қумтош тилла¹ (Sand Gold) – доғ тушмайдиган мато юзаси билан севимли классик кўринишда, яшил¹ ва кўк¹ ранглар табиатдан илҳомланиб, сув юзасидаги мавжлар каби безакларга эга. Фақат 8,26 мм қалинликдаги² ён томони билан Redmi A5 ҳам визуал жозибадорлик, ҳам қулай ушлаш имконини бирлаштиради.

Рамкаси ингичка ва нозик бўлиб, Redmi A5 6,88 дюймли катта дисплей билан таъминланган ва 120 Гц³гача янгиланиш частотасини қўллаб-қувватлайди – бу эса видеотомоша, ижтимоий тармоқларда ўтириш ва китоб ўқишни янада жозибадор қилади. Ҳатто қўллар нам бўлган ҳолатда ҳам wet touch технологияси туфайли экран сезгирлиги сақланади. Кўзни ҳимоя қилувчи TÜV Rheinland сертификатига эга эканлиги ва DC dimming ёруғликни софлаштириш функцияси туфайли узоқ вақт экрандан фойдаланиш осонлашади.

Бундан ташқари, Redmi A5 сунъий интеллект ёрдамидаги 32 МПли иккита камера модули билан тасвир сифатида сезиларли яхшиланишни амалга оширди. Янги, каттароқ сенсор орқали у олдинги авлодга нисбатан 18% кўпроқ ёруғлик қабул қилади⁴ – бу эса тунги суратларда аниқлик ва равшанликни янада оширади. Ҳатто ёруғлик етарли бўлмаган шароитда ҳам, камера суратларни равшан ва жонли тарзда қайд этади. Олд панелда 8 МП selfie камераси табиий ва деталларга бой портретлар суратга олади. Шунингдек, дисплей орқали яратиладиган ёруғлик ҳалқаси туфайли, ҳатто кам ёруғликда ҳам ёрқин селфи суратга олиш мумкин. Бу имкониятлар туфайли Redmi A5 ҳар қандай вазиятда хотираларга бой суратлар олишни енгиллаштиради.

Камерадаги ютуқлардан ташқари, Redmi A5 ҳар куни фаол ҳаёт тарзи олиб борувчилар учун ишлаб чиқилган. UNISOC T7250 саккиз ядроли процессори ва 8 ГБгача кенгайтирилувчи ОЗУ⁵ туфайли у бир вақтнинг ўзида бир неча вазифани бемалол бажаради. Барқарор ишлаш билан бирга, у батарея самарадорлигини ҳам йўқотмайди: 5200 мА/соат⁶ аккумулятор билан бир зарядда 20 соатдан ортиқ видео томоша қилиш⁷ ва 9 соатдан зиёд ўйин ўйнаш⁷ имконини беради.

Қулайликни янада ошириш мақсадида Redmi A5 юқори хавфсизликни таъминловчи ён томонга жойлаштирилган бармоқ изи сканери ва юзни таниб олиш орқали қурилмани қулфдан чиқаришни ҳам таклиф қилади. Шунингдек, 3,5 мм қулоқчин улагичи орқали сифатли овоздан баҳраманд бўлишингиз мумкин.

Нархлар ва сотувлар

Redmi A5 қора¹, олтин¹, яшил¹ ва кўк¹ рангларда, бир неча оператив хотира ва сақлаш конфигурациясида тақдим этилади:

• Redmi A5 3 ГБ + 64 ГБ – 1,185,000 сўмдан бошлаб.
• Redmi A5 4 ГБ + 128 ГБ – 1,370,000 сўмдан бошлаб.

Смартфонни расмий савдо каналлари: Xiaomi Store, CA Store, Idea, Mediapark, Texnomart, Joybox, Uzum.

Изоҳлар:

¹ Ранглар ҳудудга қараб фарқ қилиши мумкин.

² Ҳақиқий ўлчамлар маҳсулотга боғлиқ ҳолда фарқ қилиши мумкин.

³ Янгиланиш частотаси фақатгина мувофиқ иловаларда 120 Гцгача қўллаб-қувватланади.

⁴ Маълумотлар Xiaomi’нинг ички лабораторияларида олинган, Redmi A3 билан солиштирилган.

⁵ 8 ГБ оператив хотира 4 ГБ ОЗУ базасида кенгайтирилган. Бунинг учун қурилмада етарлича ROM бўлиши талаб қилинади. Функцияни қўлда ёқиш керак.

⁶ Батарея сиғими типик қиймат бўлиб, ҳақиқий натижалар фарқ қилиши мумкин.

⁷ Видео ва ўйиндаги автономлик маълумотлари Xiaomi’нинг ички синовларига асосланган.

Xiaomi ҳақида

Xiaomi 2010 йил апрелида ташкил топган ва 2018 йил 9 июлда Гонконг фонд биржасининг асосий сегментида рўйхатдан ўтган (1810.HK). Компания смартфонлар ва улар билан боғланган ақлли қурилмаларга асосланган истеъмол электроникаси ва IoT платформасига ихтисослашган.

«Фойдаланувчилар билан дўст тутиниш ва уларнинг қалбидаги энг зўр компанияга айланиш» шиори билан Xiaomi доимо инновация, юқори сифатли фойдаланувчи тажрибаси ва самарадорликка интилади. Компания барча учун янги технологиялар асосида муносиб нархларда ажойиб маҳсулотлар яратишга интилади.

2024 йил декабрь ҳолатига кўра, Xiaomi смартфон ва планшетлари билан жаҳон бўйлаб ойлик фаол фойдаланувчилар сони 702,3 миллионни ташкил этди. AIoT платформасига 904,6 миллиондан ортиқ ақлли қурилма (смартфон, ноутбук ва планшетлардан ташқари) уланган. 2023 йил октябрда Xiaomi ўз стратегиясини “Инсон × Автомобил × Уй” ақлли экотизимига айлантирди. Компания инсон марказидаги ёндашувни асос қилиб, барча соҳаларда комплекс ва мукаммал тажриба яратишга интилади. Xiaomi маҳсулотлари 100 дан ортиқ мамлакат ва минтақаларда тақдим этилган. 2024 йил августда компания олтинчи бор Fortune Global 500 рўйхатига киритилди.

Xiaomi – Hang Seng, Hang Seng China Enterprises, Hang Seng TECH ва Hang Seng China 50 индексларининг аъзоси ҳисобланади.

Реклама ҳуқуқи асосида