The Economist: Аляскадаги орол аҳолиси Россия босиб олишидан хавотирланиб, рус тилини ўрганмоқда

Маҳаллий аҳолига кўра, Кичик Диомид секинлик билан — йилига 1-2 метр Россияга қарашли орол томон ҳаракатланяпти.

Фото: Shutterstock

Аляскадаги Кичик Диомид ороли аҳолиси Россия ушбу ҳудудни қўшиб олишидан хавотирланиб, рус тилини ўрганишни бошлади. Бу ҳақда Россиянинг энг шарқий нуқтаси — Ратманов оролидан 3,5 километр узоқликда жойлашган мазкур ҳудудга борган The Economist журналистлари маълум қилди.

Кичик Диомидда яшовчи 100 га яқин одамларнинг кундалик ҳаётини тасвирлаган журнал оролни Россия ва АҚШ ўртасидаги «Арктика жангининг олдинги чизиғи» деб атаган.

«Оролнинг баъзи аҳолиси Россия қачондир уни қўлга киритишидан хавотирланиб, рус тилини ўрганмоқда», — дейилади хабрада.

Қишдан бир оролдан иккинчисига муз устида ҳаракатланиб ярим соатда етиб олиш мумкин. Олдинлари одамлар шундай қилган ҳам, айниқса, совуқ уруш бошлангунга қадар. Энди эса икки давлат ўртасидаги вазият кескинлашгани сабаб бундай алоқалар бутунлай тўхтаб қолган, аҳоли бир-бирини узоқдан кузатади холос.

«Биз уларни кузатамиз, улар эса бизни», — дейди Кичик Диомидда яшовчи Эдвард исмли фуқаро.

Шу билан бирга, маҳаллий аҳоли Кичик Диомид секинлик билан — йилига 1-2 метр Россия ороли томон ҳаракатланаётганини таъкламоқда. «Ороллар ниманидир тўғирлашга уринмоқда. Балки улар бир-бирини яхши кўрар?», — дейди маҳаллий аҳолидан бири.

#Россия #Аляска