Octobank «Барқарор» прогноз билан Moody’s халқаро кредит рейтингига сазовор бўлди

Moody’s баҳолашига кўра, Octobank 2024-йил якунида юқори молиявий кўрсаткичларга эришган: соф фойда 144 миллиард сўмни ташкил этди, активлар рентабеллиги — 4,8%, активларнинг қарийб 80 % эса ликвид маблағлардан иборат. Банкнинг капитал даражаси юқори: биринчи даражали капиталнинг етарлилик коэффициенти — 38%, умумий капиталнинг етарлилик коэффициенти — 48,3 %, бу тартибга солиш талабларидан деярли икки баравар юқори ва юзага келиши мумкин бўлган иқтисодий муаммоларга бардошлиликни таъминлайди.

Moody’s келгуси 12-18 ой ичида банкнинг молиявий ҳолати барқарор қолишини тахмин қилмоқда. Янги маҳсулотларни ишга тушириш, мижозлар базасини кенгайтириш ва жорий кўрсаткичларни сақлаб қолиш эвазига Octobank рейтинги ошиши мумкин, дея хабар беради агентлик.

«Бу Octobank учун биринчи халқаро рейтинг — ва кўриб турибмизки, банкимизнинг ривожланиш йўналиши тўғри танланган. Moody’s рейтинги бизга халқаро ҳамкорлар билан янада барқарор муносабатлар ўрнатишга ёрдам беради ва глобал бозордаги нуфузимизни оширади. Янги маҳсулот ва хизматларни йўлга қўйиш бўйича кенг кўламли режаларимиз бор ва бу келгуси йилларда банкимиз равнақининг асосий омили бўлади», — деб таъкидлади Octobank Бошқаруви раиси Искандар Турсунов.

Octobank— Ўзбекистон бозорида 20 йилдан ортиқ фаолият юритаётган универсал хусусий банк. Банк рақамли инфратузилмани ривожлантирмоқда, 3 миллиондан ортиқ жисмоний шахсларга ва 2500 дан ортиқ корпоратив мижозларга хизмат кўрсатмоқда.

Moody’s— дунёдаги етакчи халқаро рейтинг агентликларидан бири. Агентлик молиявий кўрсаткичлар, бизнес модели, хавфларни бошқариш ва иқтисодий таҳдидларга чидамлиликни таҳлил қилади.

Реклама ҳуқуқи асосида