Қўшимча функционаллар
-
Тунги кўриниш
НАТО бош котиби Зеленскийни Трамп билан «ярашиш»га чақирди
Марк Рютте фикрига кўра, «президент Трампнинг Украина учун қилган ишларини ҳурмат этиш керак».
Фото: AFP
НАТО бош котиби Марк Рютте BBC билан суҳбатда Трамп ва Зеленский ўртасидаги кечаги келишмовчиликни «афсусланарли» деб атади. У Украина президентига Оқ уй билан муносабатларни тиклаш кераклигини айтди.
«Президент Зеленский билан аллақачон икки марта телефонда гаплашдим. Унга Украинани мустаҳкам тинчликка олиб бориш учун АҚШ ҳам, Украина ҳам, Европа ҳам биргаликда бўлиши кераклигини айтдим», деди Рютте.
НАТО бош котиби Украина президенти билан суҳбатларнинг барча тафсилотларини ошкор этолмаслигини, аммо унга «президент Трампнинг Украина учун қилган ишларини ҳурмат этиш кераклигини тушунтирганини» таъкидлади. Жумладан, 2018 йилда Трампнинг биринчи президентлик даврида АҚШ томонидан Киевга етказилган танкка қарши Javelin ракеталарини эслатди.
Рютте, шунингдек, АҚШ президенти Украинада барқарор тинчлик ўрнатилишини хоҳлаётганини таъкидлади, бироқ айни пайтда Оқ уй НАТО бўйича Канада ва европалик ҳамкорларидан мудофаа учун кўпроқ маблағ сарфлашини кутмоқда.
«Ишончим комил, АҚШ Украинани барқарор тинчлик сари етакламоқчи... Лекин бунинг учун улар ҳаммамиз биргаликда ишлаётганимизга ишонч ҳосил қилиши керак. Президент Зеленский Америка президенти ва Америка олий раҳбарияти билан муносабатларини қайта тиклаш йўлини топиши муҳим», деди НАТО бош котиби.
Тинчлик музокаралари
Мавзуга оид
23:00 / 10.03.2025
ФХХ украиналикларнинг Россия киришини 50 йилгача тақиқлашни бошлади
22:00 / 10.03.2025
Украина дунёдаги энг йирик қурол импортчисига айланди
20:32 / 10.03.2025
Трамп Зеленский истеъфога чиқмагунча Украинага ёрдам кўрсатишни тикламайди – ОАВ
16:59 / 10.03.2025