Сингапурда ҳарбий денгиз дронлари навбатчилик қилишни бошлади
Дронлар 36 соат давомида тўлиқ автоном тарзда суза олади.

Фото: www.janes.com
Сингапур ҳарбий-денгиз кучлари MARSEC дастури доирасида ишлаб чиқилган дронлардан фойдаланишни бошлади, деб хабар бермоқда мамлакат ҳукумати.
Дастур Сингапурнинг соҳил ҳудудида хавфсизлик ҳолатини яхшилашга ҳамда мамлакат Ҳарбий-денгиз кучларининг инсон ресурсларига бўлган эҳтиёжини камайтиришга қаратилган. Худди шундай вазифани бажарадиган Independence типидаги кемалар аллақачон хизматга чиқарилган, аммо уларга 23 кишигача экипаж керак бўлади. MARSEC кемалари эса тўлиқ автоном тарзда ҳаракатланиб, фақатгина денгиз алоқа йўлларидаги хавфсизликни таъминлаш штабидан туриб назорат қилинади.
Дрон корпуслари Тайваннинг Lung Teh кемасозлик компанияси томонидан лойиҳалаштирилган. Якуний йиғиш ва барча электрон тизимлар билан жиҳозлаш ишлари Сингапурдаги ST Engineering Electronics компаниясида амалга оширилди. Кема тизимларини ишлаб чиқиш Сингапур ҳукуматининг Мудофаа фанлари ва технологиялари агентлиги ҳамда Мудофаа фанини ташкил этиш миллий лабораторияси томонидан олиб борилди.
Кема тўқнашув сенсори, лазер масофа ўлчагичи ва стереодатчиклар билан жиҳозланган бўлиб, улардан олинган маълумотлар сунъий интеллектга асосланган тизим томонидан қайта ишланади. Сингапур ҳарбий ходимларининг маълум қилишича, тизим симуляторда 12 миллион виртуал километр масофани босиб ўтган, сўнгра ҳақиқий денгиз трафиги шароитида 1000 соат давомида денгизда синовдан ўтказилган.
Кеманинг узунлиги 16,9 метр, кенглиги 5,2 метр. Унинг асосий қуроли эса 12,7 миллиметр калибрли пулемёт ўрнатилган минора бўлиб, у масофадан бошқарилади. Кема тезлиги 25 узелга (46,3 км) етади, мустақил сузиш муддати эса 36 соатни ташкил этади. Ҳозирча Сингапур ҳарбий-денгиз кучлари бешта MARSEC кемасидан фойдаланишни режалаштирмоқда.
Тавсия этамиз
Қайси тоифадаги талабалардан ўқишни тугатгунча гранти олиб қўйилмайди?
Ўзбекистон | 11:26 / 07.06.2025
Миллий жамоа аъзоларига BYD автомобиллари топширилади
Спорт | 16:14 / 06.06.2025
Трамп ва Маск очиқчасига уришиб кетди
Жаҳон | 12:05 / 06.06.2025
Янги Тошкент қанақа бўлади? Бош архитектор ва масъул шаҳарсоз билан суҳбат
Ўзбекистон | 17:07 / 05.06.2025
Сўнгги янгиликлар
-
Орзудаги мундиал йўлланмаси ва қонун устуворлигида пасайиш — ҳафта дайжести
Ўзбекистон | 10:21
-
Тошкентнинг айрим кўчалари веломарафон сабаб вақтинча ёпилади
Ўзбекистон | 00:21
-
Туркияда сайёҳларнинг картасидан 29 млн доллар ўғирлаган гуруҳ аъзолари ушланди
Жаҳон | 22:58 / 07.06.2025
-
Илон Маск АҚШ президенти билан зиддият ортидан янги партия тузишни таклиф қилди
Жаҳон | 22:08 / 07.06.2025
Мавзуга оид

13:45 / 05.06.2025
СБУ «Паутина» операциясининг янги кадрларини кўрсатди

15:03 / 02.06.2025
Киев Россия стратегик авиациясининг 34 фоизи зарар кўрганини маълум қилди

12:36 / 02.06.2025
Дронлар ва замонавий қуроллар – мудофаа соҳасидаги инновацион технологиялар фестивалидан фоторепортаж

08:51 / 02.06.2025