Британия Ўзбекистон давлат хизматчилари учун малака ошириш дастурларини ташкил этади

Мулоқот давомида Ўзбекистондаги ташқи савдо, иқтисодий ва сармоявий ҳамкорликка масъул давлат хизматчилари учун Британияда малака ошириш курсларини ташкил этиш, Ҳэмпшир графлигида жойлашган олий ўқув юртлари билан ҳамкорлик ўрнатиш масалалари ва АКТ соҳасида қўшма лойиҳаларни амалга ошириш масалалари муҳокама қилинди.

Учрашувда Ўзбекистон давлат хизматчилари учун назарий ва амалий курсларни ташкил этиш, "Эл-юрт умиди" жамғармаси стипендиатларининг Британияда таълим олишини таъминлаш, Саутгемптон университети ва IT-Park Uzbekistan ўртасида ҳамкорлик ўрнатиш, Қиролликда IT-Park Uzbekistan филиалини очиш тўғрисида келиб олинди.

Томонлар, шунингдек, жорий йилнинг 26-27 феврал кунлари Тошкент шаҳрида бўлиб ўтадиган Offshore Outsourcing Conference 2025 халқаро анжуманида Ҳэмпшир графлиги Савдо палатаси ҳамда IT ва BPO компаниялари вакилларининг қатнашиш масаласини ишлаб чиқишга оид таклифларни кўриб чиқдилар.

Ҳэмпшир графлиги Савдо палатаси 1875 йилда ташкил этилган. Палата минтақадаги компанияларни қўллаб-қувватлаш, ривожлантириш ва халқаро алоқаларни ўрнатишга кўмаклашади. Ҳозир кунда мазкур тузилмага турли соҳалар фаолият олиб бораётган1800 дан ортиқ йирик корхона аъзо ҳисобланади.