Тошкентда Mercedes-Benz қарздорлик сабаб аукционда сотилади

Автомобил 1 млрд сўмга баҳоланган ва онлайн-аукционга чиқарилиши таъкидланмоқда.

Фото: МИБ

Тошкентда Mercedes-Benz автомобили юридик шахснинг қарзини қоплаш учун аукционда сотилади. Бу ҳақда Мажбурий ижро бюроси Тошкент шаҳар бошқармаси хабар берди.

Қайд қилинишича, Иқтисодий ишлар бўйича суднинг 2023 йил 18 сентябрдаги ижро варақасига асосан, қарздор V.M. корхонасидан ундирувчи Агробанк АТБ Тошкент шаҳар филиали фойдасига 4 млрд сўмдан ортиқ қарзни ундириш ва қарздор корхонага тегишли бўлган Mersedes-Benz GLE450 русумли автомобилга қаратиш белгиланган.

Давлат ижрочиси томонидан олиб борилган мажбурий ижро ҳаракатлари давомида гаровдаги автотраснпорт воситаси хатланиб, 1 млрд 24 млн сўмга баҳоланган. Таъкидланишича, автомобилни онлайн-аукционга чиқариш чоралари кўрилмоқда.

#Тошкент #Mercedes-Benz #МИБ