Қорақалпоғистон аграр институти ва Наманган педагогика институтига янги ректор тайинланди

Қорақалпоғистон қишлоқ хўжалиги ва агротехнологиялар институтига Бердияр Жоллибеков, Наманган давлат педагогика институтига Баҳодир Ҳусанов ректор бўлди.

Қорақалпоғистон Республикаси ва Наманган вилоятидаги 2 олийгоҳга янги ректор тайинлаш бўйича ҳукумат қарори қабул қилинди.

Баҳодир Ҳусанов Наманган давлат педагогика институтининг ректори этиб тайинланди. Шу вақтгача мазкур лавозимда ректор вазифасини Мурожхон Қодирхонов бажариб келаётганди.

Бердияр Жоллибеков эса Қорақалпоғистон қишлоқ хўжалиги ва агротехнологиялар институтининг ректори лавозимига киришди. Шу вақтгача у мазкур олийгоҳнинг проректори эди.

#институт #ректор