Қўшимча функционаллар
-
Тунги кўриниш
“Бу – ақл бовар қилмас воқеа”: зилзиладан 12 кун ўтиб тирик топилганлар
Туркияда 6 февралда содир бўлган даҳшатли зилзиладан омон қолганларни қутқариш ишлари давом этмоқда. Ер қимирлашидан 11 ва 12 кун ўтиб ҳам вайроналар орасидан тирик жонлар топилган.

248 соат (10 кун 8 соат)дан сўнг...
Қаҳрамонмарашда зилзиладан 248 соат ўтиб 17 ёшли Алейна Ўлмез қутқарилди. Қутқарув операциясида иштирок этганларнинг бири Ҳожар Атлас қизни вайроналар орасидан олиб чиқиш жараёни узоқ ва машаққатли кечганини таъкидлаган.


“Аввал қўлларидан ушлаб кейин юқорига олиб чиқди. Аҳволи яхши эди, мулоқот қила оларди”, дея ҳикоя қилган Ҳожар Атлас.
Kahramanmaraş Kayabaşı Mahallesi'nde depremin 248'inci saatinde 17 yaşındaki Aleyna Ölmez, mahsur kaldığı binanın enkazından kurtarıldı https://t.co/70P6XUZF1H pic.twitter.com/c93dFJaxg7
— ANADOLU AJANSI (@anadoluajansi) February 16, 2023
Қаҳрамонмарашдаги шифохонага олиб борилган, Шунча кун оч-наҳор қолган қизнинг ҳолати шифокорларни ҳайратга солган.
“Бу – ақл бовар қилмайдиган воқеа. У 248 соатдан кейин олиб келинди. Биз унинг тана функциялари бузилмагани ва буйраклари фаолияти ёмонлашмаганига ҳайрон бўлдик.

Унинг соғлиғи ҳар соатда яхшиланиб боряпти. Уни Анқарага жўнатамиз. Муҳими, ҳеч бир суяги синмаган, бус-бутун. Барча аъзолари яхши ҳолатда. Фақат зилзила вақтида бироз жароҳат олган. Асоратларнинг олдини олиш учун уни яхшироқ муҳитга юбормоқчимиз”, деган Қаҳрамонмарашдаги шифохона доктори, профессор Чингиз Дилбар.
❝İyiyim teşekkür ederim❞
— ANADOLU AJANSI (@anadoluajansi) February 16, 2023
❝Hiçbir şey yoktu elimde, kendi kendime vakit geçirmeye çalıştım❞
Kahramanmaraş'ta depremin 248. saatinde kurtarılan 17 yaşındaki Aleyna Ölmez, doktorları şaşırttı https://t.co/A2qRi8U7KA pic.twitter.com/GsqtSpJgxX
Шундан сўнг Алейна тез ёрдам самолётида Анқарага етказилди. У Анқара университетининг Тиббиёт факультети хастахонасида малакали мутахассислар назоратида даволанишни давом эттирмоқда.

Туркия президенти Ражаб Тоййиб Эрдўған зилзиладан 10 кун 8 соат ўтиб тирик топилган қиздан телефон орқали ҳол сўраган ва Истанбулдан Анқарага қайтиши ҳамоноқ уни кўришга боришини билдирган.
❝İnşallah en yakın zamanda bir arada oluruz❞
— ANADOLU AJANSI (@anadoluajansi) February 17, 2023
Cumhurbaşkanı Erdoğan, depremin 248'inci saatinde enkazdan kurtarılan 17 yaşındaki Aleyna Ölmez ile telefonda görüştü https://t.co/TkCeP2gNHW pic.twitter.com/F8lpBGQIHy
258 соат (10 кун 18 соат)дан сўнг...

Қаҳрамонмарашдаги турар жой мажмуаси вайроналаридан 29 ёшдаги Наслихон Қилич исмли аёл қутқарилган. У 7 қаватли бинода яшагани айтилмоқда.
“Аллоҳга шукур, жигарим омон қолди”, дея қувонган қизнинг акаси Юсуф Ёлчиноз.
“Худойим дуоларимни рад этмади. Ярим соат олдин қизимнинг сумкаси топилганди. Сўнгра унинг ўзи вайроналар орасидан олиб чиқилди. Куёвим сержант эди. Яқиндагина Суриядан қайтиб келганди”, дейди аёлнинг отаси Жума Ёлчиноз.

“Беморимиз гапирди, исмини айтди. Қариндошларини сўраб-суриштирди. Барчалари соғ-омон эканини эшитгач эса кўнгли кўтарилди. Ҳушида, ҳозир аҳволи барқарор. Беморни чарчатиб қўймаслик учун керакли чораларни кўрдик. У жуда совуқ муҳитда бўлгани учун иситиш муолажасини бошладик. Беморни керакли миқдорда суюқлик билан таъминладик. Энди диализ муолажасини олади”, дея журналистларга маълумот берган қизни даволаётган шифокор.

Anadolu агентлигига кўра, аёл эри ва икки қизи билан бирга вайроналар остида қолиб кетган. Ҳозирча аёлнинг оила аъзоларининг тақдири ҳақида маълумот йўқ.
Наслихонни экскаватор ҳайдовчиси пайқаб қолгани айтилмоқда.
“Экскаваторда жуда эҳтиёткорлик билан ишлаяпмиз. Ётоқхонадаги жиҳозни вайроналар орасидан тортиб олаётганимда бир киши қўлини кўтараётганини пайқаб қолдим. Дўстларимиз билан унга ёрдамга шошилдик”, дея ҳикоя қилади Аднан Эшин.
260 соат (10 кун 20 соат)дан сўнг...

Ҳатай вилоятининг маъмурий маркази Антакя шаҳридаги Букет турар жой мажмуаси вайронлари орасидан 14 яшар Усмон Ҳалабия қутқарилди. Қутқарувчилар хорижлик экани айтилаётган боланинг овозини эшитиб қолиб, уни қутқаришга киришишганини айтишган.

Болада ташқи жароҳатлар аниқланмаган. Биринчи текширувдан сўнг у ташқарига олиб чиқилган.

Туркия соғлиқни сақлаш вазири Фахриддин Хўжа Мустафо Камол шифохонасида даволанаётган Усмоннинг ҳолидан хабар олган. Ички ишлар вазири Сулаймон Сўйлу эса 14 яшар йигитчанинг ҳаётини сақлаб қолган қутқарувчилар билан учрашган.
261 соат (10 кун 21 соат)дан сўнг...

Антакядаги хусусий клиника вайроналари орасидан 26 ёшдаги Маҳмуд Али Шокирўғли ҳамда 34 ёшдаги Мустафо Овчи олиб чиқилди.
Мустафо Овчига Ҳатойдаги дала шифохонасида биринчи ёрдам кўрсатилган. Шундан сўнг у тиббиёт ходимининг ёрдамида укаси билан телефонда гаплашган ва онаси соғ-саломат экани, барча оила аъзолари зилзиладан омон қолганидан хабар топган. Шундан сўнг у шифохонага олиб кетилган.
“Тирик қолишдан умидим йўқ эди. Шу боис тирик қолиш учун курашишга интилмадим ҳам. Чунки оилам ўлган деб ўйлагандим. Ҳозир қайта туғилгандекман”, дея таъкидлаган Мустафо журналистлар билан суҳбатда.

Маълум бўлишича, тўлғоқ бошлангани учун Мустафо 5 феврал куни соат 23:50да ҳомиладор аёлини клиникага олиб келади. Аёл бу ерда қизи Алмилани дунёга келтиради. У зилзила вақтида ҳеч қандай зарар кўрмайди ва фарзандини олиб бинони тарк этади. Шифохона ошхонасига сув олиш учун кетган турмуш ўртоғи Мустафо эса вайроналар остида қолиб кетади.
Мустафо қутқарилгандан сўнг рафиқаси қизи билан уни кўришга келди.

Мустафо билан биргаликда қутқарилган Маҳмуд Али эса отаси билан шифохонага борган. Зилзила бўлган вақтда отаси қочиб қутулишга муваффақ бўлади, ўғли эса ичкарида қолиб кетади.
“Зилзиладан кейин жуда қийин кунларни бошдан кечирдим. Аммо бир лаҳза бўлсин умидимни йўқотмадим. Мен ўғлим тирик қайтишини ҳис қилдим”, дейди Маҳмуд Бойроз.
Hatay'ın Antakya ilçesindeki binanın enkazından 26 yaşındaki Mehmet Ali Şakiroğlu ile 34 yaşındaki Mustafa Avcı, depremin 261. saatinde sağ çıkarıldı https://t.co/h7CP5aOpVO pic.twitter.com/UzNi6ZsusS
— ANADOLU AJANSI (@anadoluajansi) February 16, 2023
“Вайроналар орасидан келаётган овозни эшитиб ичкарига югурдик. Мен Маҳмуд Алини танирдим. У менга: “Оч эдим, овқат бердилар. Яна ухлаб қолдим. Уйғондим. Оч эдим, сен келдинг”, деб айтди. У алаҳсирадими ёки рост сўзладими, билмаймиз”, дейди қутқарув операциясига раҳбарлик қилган Бориш Пиребош.
278 соат (11 кун 14 соат)дан сўнг...

Ҳатой вилоятининг Дафна туманида Ҳоқон Ёсинўғли зилзиладан 11 кун 14 соат ўтгач қутқарилди. 45 яшар эркак айни пайтда Мерсин шаҳридаги шифохонада даволанмоқда.
Шифокорлар унинг аҳволи оғир экани, аммо Ҳоқоннинг ҳаётини сақлаб қолиш учун барча чоралар кўрилаётганини таъкидламоқда.
296 соат (12 кун 8 соат)дан сўнг...

Антакядаги Қанотли турар жой мажмуаси вайроналари орасидан бирданига уч киши – эр-хотин ва уларнинг 12 яшар фарзанди зилзиладан 296 соат ўтиб қутқарилди.
Бошқа давлат фуқаролари экани айтилаётган Самир Муҳаммад Аккар ва рафиқаси Рагда шифохонага олиб кетилган. Кейинчалик икковлон вертолётда Адана шаҳридаги шифохонага кўчирилган.

Гарчи вайроналар орасидан тирик олиб чиқилган бўлса-да, уларнинг 12 яшар ўғлининг ҳаётини сақлаб қолишнинг имкони бўлмаган. Зилзила оқибатида жуфтликнинг яна икки фарзанди (бир қиз ва бир ўғил) ҳалок бўлгани аниқланган.
Ушбу уч киши қирғизистонлик қутқарувчилар томонидан вайроналар орасидан олиб чиқилган.

49 ва 45 ёшдаги эр-хотиннинг умумий аҳволи қониқарли, ҳаётий белгилари яхши экани айтилмоқда.
Туркия соғлиқни сақлаш вазири Фахриддин Хўжанинг айтишича, зилзила туфайли шифохонага ётқизилган беморлар 21859 нафарни ташкил этади. Бугунгача 23612 нафар беморга жавоб берилган. Вазир, шунингдек, 19 минг тиббиёт ходими (шундан 13 минг нафари шифокор) фалокат содир бўлган ҳудудларда стационар хизмат кўрсатаётганини таъкидлаган.
Тавсия этамиз
Германияга ишга юбориш билан боғлиқ фирибгарлик ҳолати аниқланди
Жамият | 15:33 / 23.07.2025
Ўзбекистонда iPhone нархлари қимматлашди. Нега?
Иқтисодиёт | 21:38 / 22.07.2025
Тошкентда беморга шилқимлик қилган шифокор 5 суткага қамалди
Жамият | 15:28 / 22.07.2025
Таркибида кучли таъсир қилувчи моддалар бўлган оздирувчи қаҳвалар савдосига чек қўйилди
Жамият | 09:27 / 22.07.2025
Сўнгги янгиликлар
-
Малдив – ҳалол дам олиш учун идеал танлов
Жамият | 19:00 / 25.07.2025
-
Урушлар таққоси: 80 йил ўтиб нималар ўзгарди?
Жаҳон | 11:06
-
Матвиенко: Россияда «демографик махсус кучлар» тузилди
Жаҳон | 11:02
-
Малайзия Ўзбекистон тоғли ҳудудларида кичик ва ўрта гидроэлектр станцияларини қуриши мумкин
Ўзбекистон | 10:37
Мавзуга оид

15:09 / 25.07.2025
Анқарадан Тошкентга малакали ўқитувчилар жалб этилади

08:20 / 25.07.2025
Ўзбекистон фуқаролари Туркиянинг Мерсин вилоятида ишга жойлаштирилади

18:52 / 23.07.2025
Сурия Туркиядан мудофаа салоҳиятини мустаҳкамлашда ёрдам сўради

13:00 / 22.07.2025