ЖЧ-2022. Хорватия Канадани йирик ҳисобда енгди, Крамаричдан дубль

Фото: AFP

Жаҳон чемпионатида F гуруҳида 2-тур баҳслари якунланди.

Амалдаги вице-чемпион Хорватия Канада билан ўйинда тезкор тўп ўтказиб юборганига қарамай, йирик ҳисобда ғалаба қозонди. Дэвиснинг голига Крамарич (2та), Ливайя ва Маер жавоб беришди.

Эътиборлиси, Дэвиснинг голи Канада учун мундиаллардаги биринчиси бўлди.

Гуруҳнинг бошқа ўйинида Марокаш Бельгияни (2:0) мағлуб этганди.

Сўнгги тур олдидан Канада (0) плей-оффга чиқиш имкониятини йўқотди. 3-турда Хорватия (4) Бельгия (3) билан ўйнайди, Марокаш (4) аутсайдерга қарши майдонга тушади.

ЖЧ-2022. 2-тур. F гуруҳи
Хорватия — Канада 4:1
27 ноябр, «Халифа» стадиони
Голлар: Крамарич (36, 70), Ливайя (44), Маер (90+4) — Дэвис (2).
Хорватия – Ливакович, Юранович, Ловрен, Гвардиол, Соса, Модрич (Пашалич, 86), Ковачич (Маер, 86), Брозович, Перишич (Оршич, 86), Крамарич (Влашич, 73), Ливая (Петкович, 60).
Канада – Борян, Жонстон, Витория, Миллер, Ларейя (Ҳойлетт, 62), Ҳатчинсон (Адекугбе, 73), Эуштакиу (Коне, 46), Бьюкенен, Ларин (Осорио, 46), Дэвид (Каваллини, 72), Дэвис.
Огоҳлантиришлар: Бьюкенен (52), Ловрен (56), Модрич (85), Миллер (85).