Қўшимча функционаллар
-
Тунги кўриниш
Шавкат Мирзиёев ва Қосим-Жомарт Тўқаев телефон орқали мулоқот қилди
Ўзбекистон президенти Шавкат Мирзиёев ва Қозоғистон президенти Қосим-Жомарт Тўқаев ўртасида телефон орқали мулоқот бўлиб ўтди.
Фото: Президент матбуот хизмати
Ўзбекистон президенти матбуот хизмати хабарига кўра, суҳбатда давлат раҳбарлари Қозоғистондаги вазиятнинг ривожланиши, республикадаги ҳолатни барқарорлаштириш, тез фурсатда тинчлик ва осойишталикни қайта тиклаш борасида кўрилаётган чора-тадбирлар юзасидан фикр алмашди.
Ўзбекистон етакчиси Қозоғистоннинг биродар халқи ва раҳбариятини уларнинг мамлакат барқарорлиги ва фаровонлигини таъминлаш йўлидаги саъй-ҳаракатларида доимо қўллаб-қувватлашини яна бир бор тасдиқлади, дейилади маълумотда.
Аввалроқ, Коллектив хавфсизлик шартномаси ташкилотининг Коллектив хавфсизлик кенгаши ташкилотга аъзо бўлган давлатда тартиб ўрнатиш учун Қозоғистонга тинчликпарвар контингент юборишга қарор қилганди.
5 январь куни Қозоғистон президенти Қосим-Жомарт Тўқаев Қозоғистондаги тартибсизликларга сабабчи бўлган террорчи тўдалар «моҳиятан халқаро бўлиб, улар хорижда жиддий тайёргарликдан ўтгани, уларнинг Қозоғистонга ҳужумини эса тажовузкорлик ҳаракати сифатида кўриш мумкин ва керак»лигини айтганди.
Манғистау областида 2 январдан бери аҳоли суюлтирилган газ нархи оширилганига қарши норозилик митинглари ўтказмоқда. Норозилик намойишларига Қозоғистоннинг бошқа шаҳарлари аҳолиси ҳам қўшилган.
Қозоғистонда газ намойишлари
Мавзуга оид
12:23 / 12.03.2025
Ўзбекистон ва Қирғизистон Қозоғистонга 2 млрд куб метрдан ортиқ сув етказиб берди
13:36 / 11.03.2025
Қозоғистон ва Ўзбекистон чегарасида саноат кооперацияси маркази ташкил этилади
11:51 / 11.03.2025
Қозоғистонда паспорти олиб қўйилган фуқаро Ўзбекистонга қайтарилди
17:10 / 07.03.2025