Қўшимча функционаллар
-
Тунги кўриниш
Қирғизистон сақлаш талабларини бажара олмаслиги сабабли Pfizer вакцинасидан воз кечмоқчи
Pfizer вакцинаси минус 70 даража ҳароратда сақланиши лозим. Қирғизистон вакцинани сақлаш учун 2 млн долларлик жиҳозлар сотиб олишига тўғри келади.
Фото: REUTERS/Stephane Mahe
Қирғизистон техник сабаблар туфайли Pfizer компаниясининг коронавирусга қарши вакцинасини олишдан воз кечмоқчи. Бу ҳақда мамлакат соғлиқни сақлаш вазири Алимқадир Бейшеналиев маълум қилди.
"Бизга Американинг минус 70 даража ҳароратда сақланиши шарт бўлган Pfizer вакцинаси таклиф қилинди. Бизда ҳар бири 4 минг доллар турадиган музлаткичлар йўқ. Бюджетда бундай пул йўқ ва биз воз кечишга мажбурмиз", - деди у.
Вазирнинг маълумот беришича, Pfizer вакцинасини сақлаш учун республика 2 млн долларлик жиҳозлар сотиб олишига тўғри келади. Бейшеналиевнинг сўзларига кўра, Қирғизистон COVAX дастури доирасида Pfizer компаниясининг 1 млн доза вакцинасини олиши лозим . Бишкек яқин вақт ичида сақлаш шартлари оддийроқ бўлган яна бир вакцинага ариза бермоқчи.
Вазирнинг қўшимча қилишича, Қирғизистон минус 2 даражадан минус 18 даражагача ҳароратда сақланиши керак бўлган "Спутник V" вакцинасини сотиб олиш бўйича Россия билан музокаралар олиб бормоқда.
Маълумотларга кўра, Қирғизистонда коронавирус юқтирганлар сони 82 мингдан ортиқ бўлиб, 1400 нафарга яқин киши вафот этган. Республикада ўтган йилнинг мартидан буён фавқулодда вазият режими давом этмоқда.
Коронавирус
Мавзуга оид
17:49 / 17.03.2025
Қирғизистон ва Тожикистон ўртасида авиақатновлар тикланди
17:12 / 14.03.2025
Қирғизистон президенти Марказий Осиёда ягона визани жорий этишни таклиф қилди
16:40 / 13.03.2025
Тожикистон ва Қирғизистон чегара бўйича шартнома имзолади, авиақатновларни тиклашга келишди
18:01 / 12.03.2025