Қўшимча функционаллар
-
Тунги кўриниш
Pfizer коронавирусга қарши вакцина ишлаб чиқаришда муаммо пайдо бўлганини маълум қилди
Фото: Reuters
Pfizer ва унинг Германиядаги ҳамкори BioNTech SE йил охиригача юз миллион доза вакцина ишлаб чиқаришни мўлжаллаганди. Аммо эндиликда бу миқдор тенг ярмига — 50 миллион дозагача қисқартирилди.
Pfizer компанияси COVID-19 вакцинаси ишлаб чиқаришда муаммога дуч келганини маълум қилди, деб ёзмоқда Fox News.
Компаниянинг билдиришича, вакцина учун хомашё етказиб беришни кенгайтириш кутилганидан кўра кўпроқ вақтни олганлиги боис илгари режалаштирилган вакцина дозаларининг ярмини ишлаб чиқаради.
«Шунингдек, клиник тадқиқотлар натижалари ҳам аввал режалаштирилганидан кўра кечроқ олинганини ҳам таъкидлаш жоиз», — деди компания вакили.
Pfizer ва унинг Германиядаги ҳамкори BioNTech SE йил охиригача юз миллион доза вакцина ишлаб чиқаришни мўлжаллаганди. Аммо эндиликда бу миқдор тенг ярмига — 50 миллион дозагача қисқартирилди.
Компания хомашёни АҚШ ва Европадаги етказиб берувчилардан олади. Ўтган ойда вакцина хомашёсини ишлаб чиқаришни кенгайтириш имкони бўлмади, чунки Pfizer вакцина синови натижаларини кутиб қолди.
Аввалроқ Буюк Британия мамлакатда Pfizer ва BioNTech вакцинаси билан эмлаш бошланишини эълон қилганди. Маълум қилинишича, эмлаш келаси ҳафтадан бошланади.
Коронавирус
Мавзуга оид
16:00 / 04.02.2025
Экология таъсири: дунёда чекмайдиганлар орасида ўпка саратони билан касалланиш кўпайди
16:31 / 16.12.2024
Укол ўрнига крем: қоқшолга қарши янги турдаги вакцина яратилди
00:49 / 08.12.2024
Венгрия ва Полша Еврокомиссия раҳбарига қарши суд жараёнларига қўшилди
16:51 / 25.11.2024