Россияда ишлаб чиқилган биринчи вакцинанинг тахминий нархи маълум қилинди

Россияда коронавирусга қарши ишлаб чиқилган “Спутник V” вакцинасининг бир дозаси нархи 10 доллардан камроқни ташкил қилади. Бу ҳақда Россиянинг тўғридан тўғри инвестициялар жамғармаси (РФПИ) раҳбари Кирилл Дмитриев БМТ Бош ассамблеясининг махсус сессиясида маълум қилди.

Фото: Natalia Kolesnikova / AFP

Дмитриевнинг таъкидлашича, Гамалея номидаги марказ ишлаб чиққан вакцина бошқа вакциналардан анча арзонроқ бўлади. Россияликлар учун вакцина бепул тақдим этилади.

Айни вақтда Россия вакцинасига 50дан кўпроқ давлатда қизиқиш билдирилган. РФПИ вакцинани Ҳиндистон, Бразилия, Хитой ва бошқа давлатлардаги ҳамкорлари билан ишлаб чиқаришга келишиб олган.

Таққослаш учун айтиш мумкинки, Pfizer ва BioNTech компанияларининг вакцинаси бир дозаси 19,5 доллар, Moderna компаниясиники эса 25-37 доллар туради.

“Спутник V” август ойида дунёда биринчи бўлиб рўйхатдан ўтказилганди.

#вакцина #Спутник V

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.