Евроиттифоқ шифохоналарни дезинфекция қиладиган роботлар сотиб олмоқда

Европа комиссияси Европа иттифоқидаги касалхоналарга тақдим этиш учун 200 дона дезинфекцияловчи робот сотиб олаётганлигини эълон қилди.

Фото: AFP/Getty Images

“Аксарият аъзо давлатлар шифохоналари беморлар ётган палаталарни ултрабинафша нури ёрдамида атиги 15 дақиқа ичида дезинфекция қилувчи бу роботларни олишга қизиқиш билдирди”, – дейилади ЕК хабарида.

Хабарда айтилишича, жараён дезинфекция қилинаётган бино ташқарисидаги оператор томонидан назорат қилинади.

Роботлар яқин ҳафталарда етказилиши кутилмоқда.

Аввалроқ Еврокомиссия раҳбари Урсула фон дер Ляйен шифохоналарни қўллаб-қувватлаш учун барча чоралар кўрилишини айтганди.

#Евроиттифоқ #робот

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.