Британияда “ковид паспортлар” жорий қилиниши мумкин – ОАВ

Фото: Getty Images

Британияда коронавирусга қарши эмланганларга паспорт жорий қилиш муҳокама қилинмоқда. Бундай “ковид паспорт” мамлакат бўйлаб эркин ҳаракатланишга имкон беради.

The Sunday Times нашрининг Британия ҳукуматидаги манбаларга таяниб хабар беришича, ҳукумат “ковид паспорт”ни киритишни муҳокама қилмоқда.

Янги ҳужжат вирусга қарши эмланганларга эмланишдан бош тортганларга нисбатан мамлакат бўйлаб эркинроқ ҳаракатланишга, жумладан, хизмат сафарларини бемалол амалга оширишга имкон беради. Бу борада қабул қилинадиган қарорни Британия бош вазири Борис Жонсон 23 ноябрда эълон қилиши мумкин.

Жонсон депутатлар олдидаги чиқишида 2 декабрдан Англияда миллий карантин якунланиши ва қатъий чоралар киритилиши билан маҳаллий чекловлар тизимига қайтилишини эълон қилиши кутилмоқда. Нашрнинг таъкидлашича, декабр охирида Британия ҳукумати аҳолига Рождество байрамини тор доирада ўтказишга рухсат бериши мумкин, бироқ кейин қатъий чоралар қайтарилади ва баҳоргача давом этади.

#Британия #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.