Қўшимча функционаллар
-
Тунги кўриниш
Дания парламентидаги партиялар мамлакатдаги 15 млн бош қоракўзанни йўқ қилиш тўғрисидаги қарорни қўллаб-қувватлади
Охирги маълумотларга кўра, Даниядаги қоракўзан етиштирувчи фермаларнинг 200дан ортиқ ишчиси коронавирус юқтирган, 283та фермадаги жониворлар касалликка чалинган, 265та фермада барча жониворлар йўқ қилинган.
Фото: Picture Alliance
Дания ҳукумати парламент партиялари мамлакат фермаларидаги 15 млн бош қоракўзанни йўқ қилиш режасини қўллаб-қувватлаганини маълум қилди. Бу ҳақда АР агентлиги хабар бермоқда.
Қайд этилишича, ҳозирча бу масала бўйича овоз бериш ўтказилмаган.
Ноябр бошларида мамлакат бош вазири Метте Фредериксен қоракўзанлар мутацияга учраган коронавирус инфекциясини одамларга юқтириши мумкинлигини айтганди. Касаллик тарқалишининг олдини олиш мақсадида ҳукумат мамлакатдаги фермаларда етиштирилаётган барча қоракўзанларни йўқ қилиш қарорига келганди.
Сўнгра ҳукуматда бундай ваколат йўқлиги маълум бўлди. Фредериксен узр сўради ва бу таклифни парламентга киритди. Қишлоқ хўжалиги вазири Могенс Йенсеннинг маълум қилишича, ҳукуматда етакчи бўлган социал-демократлар бу масалада яна тўртта партиянинг қўллаб-қувватловига эга бўлган.
Охирги маълумотларга кўра, Даниядаги қоракўзан етиштирувчи фермаларнинг 200дан ортиқ ишчиси коронавирус юқтирган, 283та фермадаги жониворлар коронавирусга чалинган, 265та фермада барча жониворлар йўқ қилинган. Мамлакатда 1139та ана шундай ферма фаолият олиб боради, уларда 6000дан ортиқ киши ишлайди. Бу фермалар жаҳон бозоридаги қоракўзан мўйналарининг 40 фоизини етказиб беради.
Аввалроқ Испания, Италия, Нидерландия, Швеция, Греция ва АҚШдаги қоракўзан етиштирувчи фермаларда коронавирус билан боғлиқ ҳолатлар қайд этилганди.
Коронавирус
Мавзуга оид
19:42 / 27.04.2025
Туркиялик эркак операциядан кейин она тилини унутиб, бошқа тилда гапиришни бошлади
14:25 / 17.04.2025
Дания аскарларини Украинага ўқитиш учун жўнатмоқчи
18:44 / 02.04.2025
WP: Оқ уй Гренландиянинг АҚШга қўшилиши харажатларини баҳоламоқда
09:30 / 29.03.2025