Ўзбекистонда дарсликлар учун кенгайтирилган реаллик тизими яратилади

Фото: Dreamstime

Халқ таълими тизимида ахборот тизимлари ва маълумотлар базаларини жорий этиш дастури муҳокама учун жойлаштирилди.

Хусусан, дастурда ўқув дарсликлар учун кенгайтирилган реаллик (AR) яратиш ҳам назарда тутилган.

Бунда халқаро тажрибалардан келиб чиқиб ўқув жараёнидаги асосий дарсликларда ишлатилган расмлар 3D кўринишга ўтказилади; дарсликлардаги расмлар (объект) ҳақида зарур маълумотларни кўрсатиш имконияти яратилади; маълумотларни ўзлаштириш даражаси оширилади.

Тахминий муддати - 2019 -2020 йиллар. Ижрочи - Халқ таълими соҳасида ахборот-коммуникация технологияларини ривожлантириш маркази. Молиялаштириш манбаи - Халқ таълими соҳасидаги ислоҳотларга кўмаклашиш жамғармаси маблағлари.

Эслатиб ўтамиз, аввалроқ мактабларни компьютер техникаси билан таъминлаш дастури тасдиқланиши хабар берилганди.

#дарслик #3D