Тошкент вилоятида ҳарбий хизматчиларни кузатиш маросими бўлиб ўтди

Фото: Мудофаа вазирлиги матбуот хизмати

Чирчиқ олий танк қўмондонлик-муҳандислик билим юртининг муддатли ҳарбий хизматини ўтаб бўлган ҳарбий хизматчиларни тантанали кузатиш маросими бўлиб ўтди. Бу ҳақда Мудофаа вазирлиги матбуот хизмати хабар бермоқда.

Ҳарбий хизматчиларни Мудофаа вазирлиги ҳузуридаги Жамоатчилик кенгаши, Республика Ёшлар иттифоқи ҳамда Чирчиқ шаҳар ҳокимлиги вакиллари қизғин муборакбод этишди.

Хизмат бурчини тамомлаётган аскарлар ичида ҳарбий қисм қўмондонлигининг имтиёзли тавсияномасини олган аскарлар кўпчиликни ташкил этади.

Тадбир давомида Марказий ҳарбий оркестр жамоаси, Қуролли Кучлар Марказий ашула ва рақс ансамбли хонандалари томонидан янграган куй ва қўшиқлар барчага манзур бўлди.