Vetnam 10 mingdan ortiq dron shousi bilan jahon rekordini o‘rnatdi

Vetnam bir vaqtning o‘zida 10518 ta qurilma parvoz qilgan eng yirik dron-shou bo‘yicha yangi Ginnes rekordini o‘rnatib, tarixga kirdi.

TechRadar xabariga ko‘ra, Xitoyning Damoda kompaniyasi tomonidan uyushtirilgan ajoyib tomosha poytaxt Xoshimin shahrida bo‘lib o‘tdi. Dronlar osmonda murakkab shakl va naqshlar hosil qilgan yorug‘lik shousi minglab tomoshabinlar e’tiborini tortdi.

LED yoritgichlar bilan jihozlangan har bir dron, ularning harakatini sinxronlashtirishni ta’minlaydigan murakkab tizim tomonidan boshqarildi. Bunday namoyishlar to‘qnashuvlarning oldini olish va vizual ta’sirchan effekt yaratish uchun yuqori aniqlikni talab qiladi.

Biroq, bu voqea munozaralarga sabab bo‘ldi, mahalliy aholi shovqin va shahar sharoitida dronlarning keng qo‘llanilishi bilan bog‘liq xavflardan shikoyat qildi.

Tanqidlarga qaramay, shou taraqqiyot timsoliga aylandi, deb yozdi mahalliy ommaviy axborot vositalari.