NYT: AQSh Suriyadan 600 nafar harbiy xizmatchisini olib chiqib ketyapti
AQSh harbiylari Suriya shimoli-sharqidagi sakkizta operativ bazadan uchtasini yopmoqda, deb yozadi The New York Times. Ushbu ma’lumotlarga ko‘ra, 60 kun ichida kontingentni yanada qisqartirish bo‘yicha qaror qabul qilinishi rejalashtirilgan.

Foto: REUTERS
AQSh Suriya shimoli-sharqidagi sakkizta harbiy bazasidan uchtasini yopmoqda, mamlakatda joylashgan amerikalik harbiylar soni 2000 dan 1400 gacha qisqartiriladi. Bu haqda 17 aprel, payshanba kuni ikki yuqori martabali amerikalik amaldorga tayanib, The New York Times gazetasi xabar berdi.
Nashrning ta’kidlashicha, Mission Support Site Green Village, MSS Euphrates va yana bir kichikroq obekt yopilmoqda. NYT ma’lumotlariga ko‘ra, 60 kundan keyin amerikalik qo‘mondonlar kontingentni yanada qisqartirish yoki kamaytirish to‘g‘risida qaror qabul qilishlari kerak. Mutaxassislar Suriyada kamida 500 nafar amerikalik askarni qoldirishni tavsiya qilgan, biroq AQSh prezidenti Donald Tramp mamlakatda amerikalik qo‘shinlar qolmasligi bo‘yicha «chuqur shubha bildirdi», deb yozadi gazeta. Uning qayd etishicha, Bashar Asad rejimining qulashi Suriyadagi tahdidlar sonini «hech bo‘lmaganda hozircha» kamaytirgan.
The New York Times manbalarining qayd etishicha, AQSh harbiylarining Suriyadagi ishtiroki kamaygan bo‘lsa-da, ular terrorizmga, xususan, IShIDga qarshi kurashda mamlakatning shimoli-sharqini nazorat qiluvchi kurdlar boshchiligidagi «Suriya demokratik kuchlari» harbiy ittifoqini qo‘llab-quvvatlashni davom ettirish niyatida. 10 mart kuni «Suriya demokratik kuchlari» Suriyaning yangi hukumati bilan o‘z fuqarolik va harbiy tuzilmalarini yangi siyosiy tizimga birlashtirish bo‘yicha kelishuvga erishgani ma’lum bo‘ldi.
Tavsiya etamiz
Shveytsariyadagi qishloqqa ko‘chib kelgan sayyohlarga 24 ming dollardan pul to‘lanadi
Jahon | 01:36 / 09.06.2025
Toshkentda ilk BRT tizimi: u qanday ko‘rinishda bo‘ladi?
O‘zbekiston | 20:17 / 07.06.2025
Bir nechta tashkilotlar Enter Engineering kompaniyasini sudga berdi
O‘zbekiston | 17:39 / 07.06.2025
Xatolar ulg‘aytirgan jamoa. O‘zbekistonning mundial sari uzoq yo‘li haqida
Sport | 15:27 / 07.06.2025
So‘nggi yangiliklar
-
O‘zbekiston JCh saralashini Qatar ustidan yirik g‘alaba bilan yakunladi
Sport | 20:54
-
Rustam Azimov: “Kichik va o‘rta biznesga ko‘mak beradigan qadamlar dolzarb bo‘lib turibdi”
Iqtisodiyot | 20:43
-
Rustam Azimov: “Kichik va o‘rta biznesga ko‘mak beradigan qadamlar dolzarb bo‘lib turibdi”
Iqtisodiyot | 20:43
-
Zominda sel tufayli avtomobil yo‘li yopilib qoldi
Jamiyat | 19:41
Mavzuga oid

15:34
TikTok’da 162 mln obunachiga ega bloger Habi Leym AQShdan chiqarib yuborildi

08:00
Tramp Los-Anjelesga dengiz piyoda askarlari va ko‘proq milliy gvardiyachilarni yubordi

22:38 / 09.06.2025
Saida Mirziyoyeva AQSh davlat kotibi yordamchisi bilan uchrashuv o‘tkazdi

21:09 / 09.06.2025