Qoʻshimcha funksionallar
-
Tungi ko‘rinish
AQSh Ukrainaga harbiy yordam uchun «qarz» miqdorini uch barobarga kamaytirdi
AQSh prezidenti Donald Tramp ma’muriyati Rossiya tomonidan keng ko‘lamli bosqin boshlanganidan buyon Ukrainaga ko‘rsatilgan harbiy yordam uchun «qarz» miqdori bo‘yicha talablarni kamaytirdi.

Foto: Ukraina QK Bosh shtabi
Agar avvalroq Oq uy Kiyev 300 mlrd dollar qaytarishi kerakligini ta’kidlagan bo‘lsa, Vashingtonda o‘tkazilgan so‘nggi muzokaralar davomida bu summa taxminan 100 mlrdgacha tushirildi. Bu esa Kiyevning o‘z bahosiga yaqin, deb xabar qilmoqda Bloomberg manbalariga tayanib.
Ushbu summa qaytarilishi nodir foydali qazilmalar bo‘yicha bitim doirasida muhokama qilinmoqda. Tramp ma’muriyati fikricha, mazkur kelishuv AQShga Jo Bayden prezidentligi davrida Kiyevga ajratilgan mablag‘larning kompensatsiyasi bo‘lishi kerak. Shu bilan birga, Vashington Ukrainaga ko‘rsatilgan harbiy yordamni bo‘lajak maxsus rekonstruksiya investitsiya fondiga qo‘shilgan hissa sifatida ko‘rib chiqmoqda, biroq bu fondga yangi investitsiya majburiyatlarini o‘z zimmasiga olishni rad etmoqda.
AQSh va Ukraina o‘rtasidagi nodir foydali qazilmalar bo‘yicha navbatdagi muzokaralar 11–12 aprel kunlari bo‘lib o‘tdi. Reuters manbalari ma’lum qilishicha, uchrashuvlar muhiti «maksimalistik» talablar tufayli dushmanona ruhda o‘tgan. Ammo AQSh moliya vaziri Skott Bessent Bloomberg agentligiga muzokaralar yakuniga yaqin ekanini, tomonlar 20 aprelgacha kelishuvga erisha olishini aytgan.
Aslida, Kiyev va Vashington ushbu shartnomani qishda imzolashi kerak edi, ammo Donald Tramp va Volodimir Zelenskiy o‘rtasidagi tortishuv tufayli bitimga erishilmadi.
Shundan so‘ng AQSh Ukrainaga shartlarning yanada qattiqroq variantini taklif qildi. Xususan, Vashington bitim doirasida infratuzilma va resurs loyihalarida investitsiya bo‘yicha «birinchi taklif huquqi» hamda resurslarni ustuvor ravishda xarid qilish huquqini talab qildi.
Avvalroq Volodimir Zelenskiy AQSh tomonidan berilgan harbiy yordamni Ukrainaning «qarzi» deb hisoblash niyati yo‘qligini aytgan edi. Uning so‘zlariga ko‘ra, Vashington Kiyevga 100 mlrd dollar miqdorida yordam ko‘rsatgan, ammo bu mablag‘lar grantlar shaklida berilgan.
Shuningdek, u AQSh bilan nodir foydali qazilmalar bo‘yicha bitimni «ukrainaliklarning o‘n avlodi» to‘lashga majbur bo‘lsa, imzolamasligini ta’kidlagan edi.
Tavsiya etamiz
Soch to‘kilishi, ko‘z osti qorayishi, lab yorilishi: tana tili bizni nimalardan ogohlantiradi?
Jamiyat | 17:08 / 10.07.2025
Roman Starovoyt – urushning kursidagi qurboni
Jahon | 22:00 / 08.07.2025
Qozog‘istonda kuydirgi tarqaldi, ikki qishloq karantinga olindi
Jahon | 17:57 / 08.07.2025
11 iyuldan IELTS imtihonini qog‘ozda topshirish bekor qilinadi
O‘zbekiston | 15:45 / 08.07.2025
So‘nggi yangiliklar
-
Har yakshanba kunlari Toshkentdan Maldivga to‘g‘ridan to‘g‘ri reyslar
O‘zbekiston | 09:00 / 11.07.2025
-
Ukrainani tiklash: konferensiyada 10 mlrd yevro va’da qilindi
Jahon | 09:56
-
Malayziya O‘zbekistonda bioreaktor tizimiga birinchi zavodni qurishi mumkin
Iqtisodiyot | 09:37
-
Zelenskiy: AQShdan Ukrainaga qurol yetkazib berish qayta tiklandi
Jahon | 09:34
Mavzuga oid

09:56
Ukrainani tiklash: konferensiyada 10 mlrd yevro va’da qilindi

09:34
Zelenskiy: AQShdan Ukrainaga qurol yetkazib berish qayta tiklandi

08:17
Tramp mis importiga 50 foizlik bojlar qachon joriy etilishini aytdi

02:32