Қўшимча функционаллар
-
Тунги кўриниш
Трамп: Канада "Олтин гумбаз" ҳимоясини 61 млрд долларга олади
Трампнинг айтишича, Канада АҚШнинг 51-штатига айланиб, «Олтин гумбаз» ҳаво мудофаа тизимига «нол доллар» эвазига қўшилиш таклифини «кўриб чиқмоқда».

Фото: Оқ уй
АҚШ президенти Доналд Трамп Канада АҚШнинг келажакдаги «Олтин гумбаз» ҳаво мудофаа тизимига қўшилишни истаса, тўлаши керак бўлган нархни айтди: 61 миллиард доллар. Шу билан бирга, Канада АҚШга 51-штат сифатида қўшилишни истаса, худди шу хизмат «нол доллар»га тушади, деб ёзди Трамп 27 май, сешанба куни Truth Social ижтимоий тармоғида.
«Мен бизнинг ажойиб «Олтин гумбаз» тизимимизнинг бир қисми бўлишни хоҳлаётган Канадага, агар улар алоҳида, аммо тенг бўлмаган давлат бўлиб қолса, бу 61 миллиард долларга тушишини, аммо бизнинг 51-штатимиз бўлса, нол долларга тушишини айтдим. Улар буни кўриб чиқмоқдалар!» — дейилади унинг постида.
Канаданинг CBC медиа компанияси хабар беришича, Трампнинг баёноти Канадада расмий давлат раҳбари бўлган Буюк Британия қироли Чарлз III ушбу мамлакат парламентида нутқи билан чиққан куннинг ўзидаёқ эълон қилинган. Унда у Канада ҳукумати номидан «канадаликлар ва уларнинг суверен ҳуқуқларини ҳимоя қилишга» ваъда берган.
Чарлз III мамлакатга Канада бош вазири Марк Карни таклифига биноан келган. BBC медиа компанияси эслатганидек, Британия монархи Канада парламентида охирги марта 48 йил олдин нутқ сўзлаган: «Бу Чарлзнинг онаси қиролича Елизавета II эди».
Тавсия этамиз
Германияга ишга юбориш билан боғлиқ фирибгарлик ҳолати аниқланди
Жамият | 15:33 / 23.07.2025
Ўзбекистонда iPhone нархлари қимматлашди. Нега?
Иқтисодиёт | 21:38 / 22.07.2025
Тошкентда беморга шилқимлик қилган шифокор 5 суткага қамалди
Жамият | 15:28 / 22.07.2025
Таркибида кучли таъсир қилувчи моддалар бўлган оздирувчи қаҳвалар савдосига чек қўйилди
Жамият | 09:27 / 22.07.2025
Сўнгги янгиликлар
-
Ўзбекистон ва Тожикистон чегараолди савдо марказларини очиш режалаштирилмоқда
Иқтисодиёт | 12:54
-
Амур областида йўқолган самолёт қолдиқлари топилди
Жаҳон | 12:40
-
АҚШ Киевга 322 млн долларлик ҳарбий ёрдамни сотишни маъқуллади
Жаҳон | 12:21
-
Украинада коррупцияга қарши кураш агентликлари билан боғлиқ вазият бўйича намойишлар давом этмоқда
Жаҳон | 12:15
Мавзуга оид

10:33
Сирский Трампни урушни Россия ҳудудига кўчиришга ёрдам беришга чақирди

07:20
WSJ Трампнинг пресс-пулидан чиқариб ташланади

23:01 / 22.07.2025
АҚШ Трампнинг янги муддати давомида Украинага биринчи ҳарбий ёрдам шартномасини эълон қилди

19:00 / 22.07.2025