Қўшимча функционаллар
-
Тунги кўриниш
Тошкентдаги мактаб ўқитувчиси ўқувчиларга «Катюша» ёдлатгани хабар қилинди
Чилонзор туманидаги 188-мактабнинг бошланғич синф раҳбари дарс ўрнига 9 май муносабати билан байрам тадбири ўтказишга уринган. Мактаб маъмурияти унга дарс вақтида тадбир ўтказмаслик ҳақида огоҳлантириш берган, агар ҳолат такрорланса, ишдан бўшатилиши маълум қилинган.

Ижтимоий тармоқларда Тошкент шаҳри Чилонзор туманидаги мактаблардан бирининг ўқитувчиси ўқувчиларига «Катюша» ва «Смуглянка» қўшиқларини куйлатмоқчи бўлгани учун ишдан бўшатилгани ҳақида хабарлар тарқалди.
Мактабгача ва мактаб таълими вазирлигининг Тошкент шаҳар бошқармаси ҳолат юзасидан расмий муносабат билдирди.
Қайд этилишича, бошланғич синф ўқитувчиси 8 май куни ўзи раҳбарлик қилаётган 4-«г» синф ўқувчилари билан мактаб маъмуриятини огоҳлантирмасдан дарс жадвалида биринчи соатда кўрсатилган математика фани дарсини ўтмасдан, «Хотира ва қадрлаш куни»ни нишонлашга уринган.
Бундан хабар топган мактаб маъмурияти ўқитувчини дарс маҳалида бундай тадбир ўтказиши мумкин эмаслиги ҳақида яна бир бор огоҳлантирган. Бу каби тадбирлар дарсдан кейин ўтказилиши зарурлиги, агар ўзбошимчалик қиладиган бўлса, ўқитувчи ишдан бўшаш учун ариза ёзиши лозимлигини билдирган.
Муносабатда ўқитувчи ўқувчиларга «Катюша» ва «Смуглянка» қўшиқларини ёдлатгани тасдиқланмаган, рад ҳам этилмаган.
Шунингдек, мазкур ҳолат Чилонзордаги мактаблардан бирида бўлгани тасдиқланган, аммо расмийлар муассаса рақамини келтирмаган.
Kun.uz манбасига кўра, бу ҳолат 188-мактабда рўй берган.
Воқеа қаҳрамони Венера Басалямова бўлиб, у Россиядаги «Осторожно, новости» телеграм-каналига ўқувчилардан бири Ғалаба куни тадбирига совет аскари либосида келгани учун ишдан бўшатилганини айтиб, мурожаат қилган. У олий тоифали ўқитувчи экани ва 37 йиллик иш тажрибасига эгалигини иддао қилиб, гўёки ўқувчилар байрамга қандай тайёргарлик кўрганидан ва концерт дастуридан хабари бўлмаганини билдирган. У болаларга фақат уйда Ўзбекистоннинг фашизм устидан ғалабага қўшган ҳиссаси тўғрисидаги филмларни кўришни вазифа қилиб берганини айтган.
Унинг айтишича, болаларнинг аскари 8 май кунги тадбирга Ўзбекистон армияси ҳарбий либосларини прокатга олишган, фақат бир ўқувчи мактабга совет аскари либосида келган.
Тавсия этамиз
Одамлар энг тез ва секин қарийдиган мамлакатлар аниқланди
Жаҳон | 21:57 / 17.07.2025
Жиноят оламида бунақаси кам учрайди: яширин устахона ва ғойиб бўлган 276 та машина
Жамият | 13:40 / 16.07.2025
20 июлдан бошлаб 1-2 кунга хорижга чиққанлар Ўзбекистонга божсиз товар олиб киролмайди
Иқтисодиёт | 19:31 / 15.07.2025
Болаларни итдек вовуллатган «дефектолог»га янги жиноий иш очилди
Жамият | 18:06 / 15.07.2025
Сўнгги янгиликлар
-
Саудия Арабистони хорижликларга кўчмас мулк сотиб олиш шартларини енгиллаштиради
Жаҳон | 20:51
-
Туркий бирлик дарвозаси – Зангезур коридори атрофида нималар бўлмоқда?
Жаҳон | 20:28
-
Air China Ўзбекистонга биринчи парвозни амалга оширди
Ўзбекистон | 20:19
-
Google телефондаги зилзила ҳақида огоҳлантириш тизими қандай ишлашини тушунтирди
Фан-техника | 19:20
Мавзуга оид

17:35 / 16.07.2025
NYT Курск областида оккупациядан кейинги ҳаёт ҳақида репортаж тайёрлади

20:50 / 10.07.2025
Президент Чилонзор туманидаги лойиҳалар билан танишди

19:00 / 07.07.2025
Вақтинчалик рўйхатда турган фуқароларнинг фарзандларини мактабга қабул қилишда чекловлар мавжуд эмас – ММТВ

08:09 / 07.07.2025