Ҳарвард университети Трамп маъмуриятини судга берди
Даъво аризаси Бостон федерал судига киритилган. Унда жавобгар сифатида турли амалдорлар ва ҳукумат агентликлари кўрсатилган.

Фото: AP
Ҳарвард университети молиялаштириш музлатиб қўйилгани учун президент Доналд Трамп маъмурияти устидан судга ваъдо аризасини киритди. Бу ҳақда университет президенти Алан Гарбернинг баёнотида сўз боради.
«Биз молиялаштиришни музлатиб қўйишни бекор қилиш учун судга мурожаат қилдик, чунки бу ноқонуний ва ҳукумат ваколатлари доирасидан чиқишдир», — дейди Гарбер.
Унинг таъкидлашича, Трамп маъмуриятининг ҳаракатлари оқибати «жиддий ва узоқ муддатли бўлади». Гарбернинг сўзларига кўра, тиббий, илмий ва технологик тадқиқотлар қисқартирилиши «мамлакатнинг америкаликлар ҳаётини сақлаб қолиш қобилиятига путур етказади».
«Яҳудий ва америкалик сифатида мен антисемитизмнинг кучайиши борасида асосли хавотирлар мавжудлигини жуда яхши биламан. Бу муаммони самарали ҳал қилиш учун тушуниш, интилиш ва ҳушёрлик зарур. Ҳарвард бу масалага жиддий ёндашади. Биз бу нафратга қарши зарур даражадаги қатъият билан курашишда давом этамиз, чунки биз қонун олдидаги мажбуриятларимизни тўлиқ бажарамиз. Бу фақат бизнинг ҳуқуқий жавобгарлигимиз эмас. Бу бизнинг ахлоқий бурчимиздир», — дейди Гарбер.
Даъво аризаси Бостон федерал судига киритилган. Унда жавобгар сифатида турли амалдорлар ва ҳукумат агентликлар кўрсатилган.
Оқ уй вакили Ҳаррисон Филдс университет даъвосига изоҳ бераркан, Ҳарвард каби муассасаларга федерал ёрдам кўрсатиш дастури охирлаб бораётганини маълум қилди.
Эслатиб ўтамиз, 11 апрел куни Трамп маъмурияти Ҳарвард университетига мактуб йўллаб, университет бошқарувида кенг кўламли ислоҳотлар ўтказиш, шунингдек, қабул сиёсатини ўзгартиришга чақирди. Трамп маъмуриятининг Ҳарвардга қўйган талаблари, шунингдек, университет, профессор-ўқитувчилар ва раҳбариятнинг хилма-хиллик ҳақидаги қарашларини кўриб чиқиш ва кампусда ниқоб кийишни тақиқлашни ўз ичига олади. Журналистларнинг фикрича, охирги талаб аниқ Фаластин тарафдори намойишчиларга қаратилган.
14 апрел куни эса АҚШ федерал ҳукумати Ҳарвард университетига 2,2 миллиард доллардан ортиқ грантлар ва 60 миллион долларлик шартномаларни музлатиб қўйгани маълум бўлди.
Тавсия этамиз
Урушлар энди ўзгача: «Ўргимчак тўри» операцияси ҳақида
Жаҳон | 22:27 / 02.06.2025
“Савиясиз миллат ўзини ўзи йўқ қилади” – Қозоқбой Йўлдошев
Жамият | 15:21 / 01.06.2025
Иш стажи етарли бўлмаса ҳам пенсия тайинланадими?
Ўзбекистон | 10:03 / 31.05.2025
Энг кўп туғилиш қайд этилган ҳудуд маълум қилинди
Ўзбекистон | 11:34 / 30.05.2025
Сўнгги янгиликлар
-
“Asialuxe Travel” Қурбон ҳайити шарафига акция эълон қилди – 50% гача чегирма
Жамият | 17:00 / 02.06.2025
-
Трамп тузоққа тушган акулаларни қўйиб юборган икки ғаввосни афв этди
Жаҳон | 21:52
-
«Портлаши керак бўлган ҳамма нарса портлатилади» – Медведев «Ўргимчак тўри» операциясига Россиянинг жавоби қандай бўлиши ҳақида
Жаҳон | 21:50
-
Олимлар микропластик инсон вужудига қандай таъсир қилишини тушунтирди
Жаҳон | 21:49
Мавзуга оид

21:52
Трамп тузоққа тушган акулаларни қўйиб юборган икки ғаввосни афв этди

09:15
Оқ уй: Трамп Путин ва Зеленский билан саммитга тайёр

08:48 / 31.05.2025
Трамп пўлат ва алюминийга божларни 50 фоизгача оширишга қарор қилди

02:03 / 31.05.2025