БМТ идораси Ўзбекистон фармацевтика маҳсулотлари экспортида кўмаклашади

UNOPS Ўзбекистонда маҳаллий ишлаб чиқарилган фармацевтика маҳсулотларини харид қилиш имкониятларини ўрганяпти.

Фото: "Дунё" АА

Ўзбекистон элчихонаси кўмагида Фармацевтика тармоғини ривожлантириш агентлиги директори Абдулла Азизов ва БМТнинг Лойиҳаларга хизмат кўрсатиш ваколатхонаси (UNOPS) ижрочи директори ёрдамчиси Кристине Дамкяер ўртасида онлайн учрашув ташкил қилинди.

UNOPS директорининг ёрдамчиси Кристине Дамкяер ташкилот Ўзбекистонда маҳаллий ишлаб чиқарилган фармацевтика маҳсулотларини харид қилиш имкониятларини ўрганаётганини билдирди.

Томонлар ўзаро ҳамкорликни давом эттириш ва маҳаллий фармацевтика маҳсулотларини халқаро бозорларга чиқариш бўйича истиқболли йўналишларни ўрганиш юзасидан келишиб олди.

UNOPS – БМТнинг ихтисослашган агентлиги бўлиб, инфратузилма, соғлиқни сақлаш, харидлар ва лойиҳаларни бошқариш соҳаларида глобал миқёсда фаолият юритади. Ташкилот соғлиқни сақлаш секторида барқарор ва самарали ечимларни яратиш мақсадида давлат ва хусусий сектор билан ҳамкорлик қилади.

#БМТ #фармацевтика