АҚШга кучли торнадо ёпирилди, ўнлаб қурбонлар бор
Камида 31 кишининг ҳаётига зомин бўлган ҳалокатли торнадолар АҚШнинг марказий ва жанубий штатлари бўйлаб ҳаракатланди. Табиий офатдан энг кўп Миссури штати жабр кўрган, у ерда камида 12 киши ҳалок бўлгани тасдиқланган.

Фото: Reuters
Миссури штати йўл патрули Озарк, Батлер, Уэйн ва Жефферсон округларида 12 кишининг ўлимини тасдиқлади.
Канзасда чанг тўзони пайтида содир бўлган автоҳалокатлар оқибатида 8 киши ҳалок бўлди, деб хабар бермоқда CBS телеканали штат жамоат хавфсизлиги департаментига таяниб. Шундай йўл-транспорт ҳодисалари Миссисипида тўрт, Техасда уч, Оклаҳомада бир киши умрига зомин бўлган.
Арканзас штати фавқулодда вазиятлар бошқармаси уч киши ҳалок бўлгани ва 32 киши яралангани ҳақида хабар берди ва бу дастлабки маълумотлар эканини таъкидлади.

Теннесси ва Миссури штатларида расмийлар янги торнадолар хавфи ҳақида огоҳлантирди. Шунингдек, чақмоқ чақиши ва кучли шамол бўлиши кутилмоқда.
Фавқулодда вазиятлар ходимлари томонидан олинган суратларда шикастланган бинолар ва ағдарилган юк машиналарини кўриш мумкин.
Бир киши ҳалок бўлган Батлер округида яна бир неча ўлим ҳолатлари рўйхатга олинган, бир неча киши эвакуация қилинган. Бугун минтақага янги торнадолар ёпирилиши кутилмоқда.


Жоржияда губернатор Брайан Кемп маҳаллий аҳолини янада ёмон об-ҳавога «тайёр туриш»га чақириб, фавқулодда ҳолат эълон қилди.
Арканзас губернатори Сара Ҳакаби Сандерс ҳам фавқулодда ҳолат эълон қилди.
«Арканзасга кучли момақалдироқ ва торнадо ёпирилди ва бутун штат бўйлаб хавф, қийинчилик ва азоб-уқубатларни келтириб чиқаришда давом этмоқда, бу эса ушбу чораларни талаб этади», - дейилади унинг баёнотида.
Миллий метеорология хизматининг Об-ҳавони прогноз қилиш маркази маълумотларига кўра, «кучли момақалдироқлар» чақмоқ, кучли шамол, дўл ва янги торнадоларни олиб келиши мумкин.

Об-ҳаво хизмати маълумотларига кўра, Қуйи Миссисипи ва Теннесси водийлари, Мексика кўрфазининг марказий соҳиллари ва мамлакат жануби-шарқида катта зарар етказиши мумкин бўлган «сезиларли» ва «ақл бовар қилмайдиган» торнадоларнинг «қўшимча таҳдиди» мавжуд.
Тавсия этамиз
Ўзбекистонда кейинги ҳафта жазирама иссиқ бўлади
Ўзбекистон | 15:46 / 13.06.2025
Ғарб Исроил Эронга зарба беришидан хавотирда. Бу ҳақда нималар маълум ва оқибатлар қандай бўлиши мумкин?
Жаҳон | 21:01 / 12.06.2025
Қизалоққа қарши армия: Грета Тунберг Ғазога етиб боролмади
Жаҳон | 17:45 / 11.06.2025
Сўм 2 ҳафтада 2 фоизга мустаҳкамланди. Қандай қилиб?
Иқтисодиёт | 18:57 / 10.06.2025
Сўнгги янгиликлар
-
Прописка машмашаси, “суд-пуд демайдиган” ҳоким ва Россияга нота — ҳафта дайжести
Ўзбекистон | 09:15
-
Эрондаги чекловлар сабабли Дубай ва Шарм аш-Шайхга авиарейслар жадвали ўзгартирилди
Ўзбекистон | 08:39
-
Эрон Исроилга янги ракеталар тўлқинини учирди
Жаҳон | 07:41
-
АҚШ–Эрон музокаралари тақдири нима бўлади?
Жаҳон | 23:29 / 14.06.2025
Мавзуга оид

23:29 / 14.06.2025
АҚШ–Эрон музокаралари тақдири нима бўлади?

23:14 / 14.06.2025
АҚШ дронларга қарши мудофаа тизимларини Украинадан Яқин Шарққа кўчирди

21:33 / 14.06.2025
Трамп билан Путин Яқин Шарқдаги хавфли кескинлашувни муҳокама қилди

21:27 / 14.06.2025