Бербок Асад режими қурбонлари учун адолат талаб қилди
Бербок Дамашққа ташрифи чоғида Седная қамоқхонасидаги қийноқларга алоқадорларни жавобгарликка тортиш учун халқаро саъй-ҳаракатларни талаб қилди.

Фото: Dominik Butzmann/AA/photothek/picture alliance
Германия ташқи ишлар вазири Анналена Бербок Дамашқ ташқарисидаги Седная қамоқхонасидаги қийноқларга алоқадорларни жавобгарликка тортиш учун халқаро саъй-ҳаракатларни талаб қилди. Германия дипломатияси раҳбари 3 январ, жума куни Сурияга эълон қилинмаган ташрифи чоғида қамоқхонага ташриф буюрди.
Башар Асад режимининг ҳаракатлари натижасида у ерда ҳалок бўлганларнинг ҳаётини қайтариб бўлмайди, бироқ «барчамиз – халқаро ҳамжамият – адолат қарор топишига ёрдам бера оламиз», дея Бербок сўзларидан иқтибос келтирган dpa ахборот агентлиги.
Германия ташқи ишлар вазирига Европа Иттифоқи номидан унинг француз ҳамкасби Жан-Ноэл Барро ҳамроҳлик қилди.
«Маҳбуслар цивилизациялашган дунёда ақлга сиғмайдиган усуллар билан ўлдирилган»
Суриянинг «Сурия фуқаролик мудофааси» кўнгиллилар ташкилоти вакиллари сиёсатчиларга Седная қамоқхонасидаги шароитлар ҳақида гапириб берди. Ўтган йилларда Европа «Сурия фуқаролик мудофааси» ва БМТни эҳтимолий уруш жиноятлари тўғрисида далиллар тўплашда қўллаб-қувватлаган, деди бўлим бошлиғи.
«Биз айнан шу нарсани давом эттирмоқчимиз, шу жумладан, далиллар тўплаш, адолат ва бу даҳшатли жиноятлар билан боғлиқ вазиятга ойдинлик киритиш масаласида биз Суриядаги одамлар томонида эканлигимизни тушунтириш учун келдик», — дея таъкидлади Германия ташқи ишлар вазири.
«Сиз баъзи жойларда содир бўлаётган даҳшатни тасаввур қила олмайсиз ... Бу ерда, Сурия пойтахти Дамашқ яқинида, улар цивилизациялашган дунёда ақлга сиғмайдиган усуллардан фойдаланган ҳолда ўлдирилган», — дея қўшимча қилди Бербок.
Германия вазирининг сўзларига кўра, «Сурия фуқаролик мудофааси» Асад режими «инсоний бўлмаган қийноқлар режими» эканлигини бир неча бор таъкидлаган.
Германия Сурияни қўллаб-қувватлаш шартларини эълон қилди
Германия ташқи ишлар вазири Анналена Бербок 11 декабр куни Башар Асад режими ағдарилганидан кейин Сурияни қўллаб-қувватлаш режасини тақдим этди. У Берлин Дамашққа ёрдам бериш учун илгари сурадиган саккиз банд ва шартдан иборат.
Бербок ҳокимиятнинг тинч йўл билан ўтказилишини биринчи ва энг муҳим нуқта деб атади. «Барча партиялар томонидан қабул қилинган фуқаролик ҳукумати фақат барча озчиликлар ва сиёсий гуруҳлар стол атрофида жам бўлса, муваффақиятли бўлади», деди у.
Иккинчи ўринда - Сурия ичидаги мулоқот. Германия Ташқи ишлар вазирлиги раҳбарининг сўзларига кўра, у БМТ резолюциялари ва «жойлардаги воқеликлар»га мувофиқ чет эл аралашувисиз, масалан, Туркия ёки Исроил аралашувисиз ўтиши керак. «Сурия яна хорижий давлатлар ўйинида пиёдага айланмаслиги керак», деди Бербок.
Учинчиси, «Ҳайъат Таҳрир аш-Шом» (ҲТШ) аъзолари томонидан аёллар, этник ва диний озчиликлар ҳуқуқларини ҳурмат қилиш. Бербокнинг айтишича, Германия гуруҳ билан «ҳали тўғридан тўғри алоқага эга эмас», аммо Берлин унинг «Ал-Қоида» билан алоқаси борлигини билади. «Биз ҲТШни унинг ҳаракатларига қараб баҳолаймиз», деди вазир.
У, шунингдек, инсонпарварлик инқирозини имкон қадар тезроқ ортда қолдириб, Сурияни қайта тиклашни бошлашга чақирди. Бербок сиёсий инқироз фонида мамлакатда юқори инфляция ҳақида маълум қилди, шунинг учун асосий озиқ-овқат маҳсулотлари қимматлашмоқда. Мисол учун, нон нархи бир неча кун ичида 900 фоизга ошди. Вазир Германиядан 8 миллион евролик шошилинч ёрдам ваъда қилди.
Тавсия этамиз
Кредит олишга тақиқ ва Freeze хизмати: уларнинг фарқи нима?
Жамият | 09:02 / 26.06.2025
Имтиҳон яқин: бу йил абитуриентларни нималар кутяпти? – энг муҳим саволларга расмийлардан жавоблар
Ўзбекистон | 12:11 / 25.06.2025
Эроннинг амалдаги сиёсий тизими. У қандай пайдо бўлганди?
Жаҳон | 19:30 / 24.06.2025
Урушга қўшилган АҚШ, «бутун Украина бизники» деган Путин – ҳафта дайжести
Жаҳон | 18:52 / 22.06.2025
Сўнгги янгиликлар
-
Қамчиқ довонида BYD хандаққа тушиб кетди
Ўзбекистон | 12:24
-
Ҳиндистон ва Россия С-400 ЗРК ва бошқа қуролларни етказиб беришни муҳокама қилди
Жаҳон | 12:22
-
Винисиус «Реал»ни биринчи ўринда олиб чиқди, «Сити» «Ювентус»га 5 та гол урди
Спорт | 11:59
-
Россия ТИВ Германия элчисини «журналистларга муносабат» учун чақиртиради
Жаҳон | 11:47
Мавзуга оид

01:21 / 23.06.2025
Дамашқдаги черковда теракт содир этилди. 20 киши ҳалок бўлди

12:59 / 03.06.2025
Дамашқ фонд биржаси қайта очилди

21:46 / 02.06.2025
Анналена Бербок БМТ Бош Ассамблеясининг 80-сессияси раиси этиб сайланди

16:44 / 02.05.2025