Жаҳон | 10:02 / 22.05.2024
4190
2 дақиқада ўқилади

Россияда коронавируснинг янги тури аниқланди

Россияда коронавируснинг FLiRT варианти аниқланди, аммо у катта хавф туғдирмайди, ҳалигача омикрон доминант штаммдир, дея хабар берди РИА «Новости» Роспотребнадзорга таянган ҳолда.

Фото: РИА Новости / Кирилл Брага

«Доимий мониторинг ҳатто ягона янги геновариантларни аниқлаш имконини беради. Бутун мониторинг даврида 178 та янги FLiRT варианти аниқланди, жумладан KP.2 (учта ҳолат), KP.1.1 (бешта ҳолат), KS.1 (170 та ҳолат). Уларнинг барчаси унинг бошқа турларидан каттароқ хавф туғдирмайди», — дейилади департаментда. 

Шу билан бирга, аввалгидек, бутун дунёда бўлгани каби, омикрон варианти устунлигича қолмоқда, дея аниқлик киритди матбуот хизмати. 

FLiRT вариантларининг белгилари омикронига ўхшайди - иситма, йўтал, томоқ оғриғи, ҳолсизлик, бош оғриғи, мушак оғриғи, таъм ёки ҳид сезишнинг йўқолиши. 

Роспотребнадзорнинг таъкидлашича, дам олиш кунларидан сўнг, Россияда Covid-19 билан касалланишнинг олдиндан тахмин қилинган ўсиши қайд этилди, чунки одамлар байрамларда бир-бирлари билан тез-тез алоқада бўлишади. 

Мутахассислар профилактика чораларини эътиборсиз қолдирмасликка чақирди - қўлларни тез-тез ювиш, биноларда ҳаво айланишини таъминлаш, иш жойлари ва гажетларни дезинфекция қилиш, касаллик белгилари бўлган одамлар билан алоқа қилмаслик. 

Аввалроқ, департамент халқаро GISAID маълумотлар базасига кўра, турли мамлакатларда FLiRT вариантлари билан боғлиқ янги KP.2 линиясининг кўпайиши кузатилганини таъкидлади. Дастлабки маълумотларга кўра, KP.2 бутун дунёда доминант турга айланиши мумкин. 

Мавзуга оид