Ўқувчилар ўртасида Тошкент халқаро математика олимпиадаси ўтказилади

Танлов февралнинг охирги кунларида бутун республиканинг мактаб ҳамда академик лицей ўқувчилари ўртасида ташкил этилади. Барча иштирокчилар сертификатлар билан, олимпиада ғолиблари эса олтин, кумуш, бронза медаллари билан тақдирланади. Муносибларга халқаро университетда ўқиш учун 100 фоизлик грант ажратилиши ҳам ваъда қилинган.

2024 йилнинг 24-25 феврал кунлари Тошкент халқаро математика олимпиадасининг биринчи босқичи бўлиб ўтади. Унда 3-11 синф ўқувчилари онлайн шаклда иштирок этади. Бу ҳақда Тошкент халқаро математика олимпиадаси ўзининг расмий саҳифасида хабар берди.

Қайд этилишича, танловда Қорақалпоғистон Республикаси, Тошкент шаҳри ва барча вилоятлар кесимида умумтаълим муассасалари — мактаблар, академик лицей ҳамда ихтисослашган мактаб ўқувчилари қатнашиши мумкин.

Барча иштирокчилар сертификатлар билан, ғолиблар эса олтин, кумуш, бронза медаллари, пул мукофотлари, эсдалик совғалари билан тақдирланади. Жами мукофот жамғармаси 450 млн сўм. Қолаверса, олимпиадада муносиб иштирок этганларга халқаро университетда ўқиш учун 100 фоизлик грант ажратилиши ҳам ваъда қилинмоқда.

Олимпиадада иштирок этиш учун Telegram’да махсус ботдан (@tasimo_bot) рўйхатдан ўтиш талаб қилинади.

#математика олимпиадаси