Британиянинг собиқ бош вазири карантинни бузишда айбланди

Британиянинг собиқ бош вазири Тони Блэр АҚШдан қайтгандан кейин 2 ҳафталик карантинни бузишда айбланди. Уни ватанига қайтганидан 10 кун ўтгач Лондондаги ресторанлардан бирида кўришган.

Фото: BACKGRID

Блэр Вашингтонга хусусий самолётда учган. У 2 кунлик сафаридан қайтгач ўз ватанида 2 ҳафталик карантиндан ўтиши керак бўлган. Британияда айни вақтда коронавирус тарқалишига қарши шундай чора амал қилмоқда.

Собиқ бош вазир ватанига қайтгандан 10 кун ўтгач, Лондондаги ресторанлардан бирида суратга туширилган.

Британияда баъзи одамлар карантиндан озод қилинган, бироқ Блэрда бундай рухсатнома бўлмаган.

Блэр вакилининг маълум қилишича, собиқ бош вазир Оқ уйда Исроилнинг БАА ва Баҳрайн билан дипломатик алоқалар ўрнатиши тантанали маросимида қатнашган. АҚШ Блэрни ушбу муносабатларни ўрнатишда фаоллик кўрсатгани учун таклиф қилган. Таъкидланишича, собиқ бош вазир ҳеч кимга хавф солмаган, чунки АҚШга жўнашидан олдин ҳам, Оқ уйга келгач ва у ердан қайтгач ҳам коронавирусга таҳлиллар топширган.

Тони Блэр Британия бош вазири лавозимини 1997 йилдан 2007 йилгача эгаллаган.

#Тони Блэр #карантин